سيف الغرام

السلام عليكم ورحمة الله وبركاته


مساء \\ صباح :: الخير


جمرة غرامك احرقت روح هاويك
عذبتني بشكيك لني هويتك

اشكي فراقن صار ماهو بأياديك
ولاهو بيدي غصب صار و جفيتك

والي سكن بالقلب ذكرك وطاريك
انت الذي بالقلب والقلب بيتك

وانا ورب البيت بالحيل انا اغليك
ولا ضنتي سجيت يوم و نسيتك

اشتاق لك والقلب دايم يناديك
وياما بتال الليل ياما دعيتك

اغفي على ذكراك زمانك وماضيك
وافز من نومي ليامن لقيتك

سيف الغرام وجمرة الشوق تكفيك
وتعذبك يا روح روحي فديتك

لاجالك المكتوب باطراف اياديك
تعال واشكني مثل ما شكيتك

وسلااامة عيونكم

بقلمي