حروف العاشقين

أشوف النور من عيني يضوّي
وأنا ماشي طريقي خطوتين

وكــل ماجيت أقربها واضـوّي
خذاني اللـيل بأسرابه كمين

جلست بحينـهـا كـنّي أهـوّي
وأنا بقلـبي صلاة المسلمـين

أعيش الصمت لحظه واتروّي
على ذكرى مـن أيام السنين

أهنّي عزلتي وأعطيه جـوّي
وأعايش مابقـى فيني دفـين

ياريــح النفل والاغصان زوّي
أباخذ مــن خـوافيها الثّمــين

وأذا بالشـعــر لاوالله تـــوّي
لو اكتب في رجاها وأستبين

انا ودّي بغلاها ويش أسوّي
وأنا عـايـش بالهــدنيا رهـين

صدح صوت اللحن منها مدوّي
يعالج داخلي شي(ن)حزين

يانظره في خفوقي لي تروّي
جميع عروق جسمي للوتين

كحيل العين ورموشه تقوّي
مع خدود(ن) حلاها بحمرتين

يامبسم أنرسم بالوجه لوّي
جميل اللي على شفاهه يزين

لاهب الريح في شعر ه يلوّي
عـلــيها كــل راحـات اليدين

وصدر(ن) لابــدا يمـي يهوّي
وأنا عيني على هالوردتــين

وخصر الريم زاين وأمتــروّي
أذا مالت يسار(ن) مع يمين

حبيبي والشعر لجلك يطوّي
على متني حروف العاشقين