كلـــــــــــ عام وانتم بخيرــــــــــــــــــــــــــــ
,,,
وعســـــــــــــــــــ من عواده ــــــــــــــــــــــــــــــا
,,,
اصطدام بين الحب والحب من نوع آخر
لسان حال الفتاة ولسان عقل الأم...
معزوفه كلي آمل ان تروق لذائقتكم
واقبلوها معايده للتواصل ,,وان كان موضوعها غير ذلك,,
لن اُطيل عليكم فالقصيده بين ايديكم ..وكلي رحابة صدر للنقد الهادف
..
يامرحبا واهلين والفً تراحيب
اقلط فديت اللي جاني وتعنّالي
يامسكنا والعود يامنبع الطيب
قبل دقايق كنت بقلبي وبالي
صوتن دعاني قلت:لبيه ياذيب
لبيتلك واقعد تربع اقبالي
يمه ترا ذيبي عدّا المراقيب
يقطع لجل حبي كل شامخ وعالي
يابنتي ربيتك على المواجيب
يابنتي حذّرتك همك تروّالي
يابنتي مابيننا من يعرف الغيب!
ياجعلني فدوه لاتشغلي بالي
نصيحه يابنتي "شيبك "ولا "العيب"
قد قالها الاول وش بقى للتالي
حنا على الدنيا ضيوف ومعازيب
ياعجلها وان جات وقفات الاطلالي
يايمه حبيته,,هو حبنا عيب؟؟؟
يايمه مايدري,,وحب الشرف غالي
يايمه وليلى بلاشكً وريب
لقيس في حبّها ماكانت تبالي
حكي العرب يمه دايم عذاريب
يايمه ماتترك لو معفي وسالي
ببعد عسى جرحي في بعدي يطيب
ماينّسى حبه لو الزمن طالي
البعد لو يجرح لو عمّق يطيب
لاتاطي الجمره وتحملي الصالي
كم ذيبً يابنتي بدار الاجانيب؟!
قضى العمر كلّه بديارهم جالي
نفوه بني عمّه وصفر العراقيب
هم سبته والحب شيطانه يلالي
يابنتي والعنبر قد ورّث الطيب
من يشتري حبك فبيرخص الغالي
بالأمس بصارحه واليوم مانيب
جايب لهم سيره غيرة فأقوالي
يمه سهام الحب ليه دايم تصيب؟؟
وتعاني العذراء همً وغربالي
اليوم ودعته وشمسه تغيب
وباطا على شوكه وبقعد لحالي
بقفرن خلا لافيه صايح ولامجيب
واتخيله جنبي يلعّب عيالي!!!
السبت أبريل 07, 2012 8:31 am من طرف 
اليومية
